Kwentong Senior Citizen Lane sa Riverbanks

Mejo matagal na to ng slight.

Nag-grocery kami ng nanay ko sa Riverbanks Save More. E di get na ng groceries ganyan. Maraming tao super, pero ang ikinasasaya ko naman pag ganito e hindi kami magaantay ng matagal sa pila kasi si mama ko Senior Citizen. May designated na lane para sa mga Senior Citizen sa Cashier.

Mama ko mahilig mag-hagis hagis ng produkto na hawak nya. Tipong parang sway sway pag naglalakad? Kaya bukod sa mabagal siya maglakad kasi mature na, naks mature, e parang naglalaro pa sya. So nauna na ko papunta sa lane. May nakapila ng dalawang mature na ladies, pagkakita pa lang sakin nastress na sila (wala pa ko sa pila ah), "Neng, Senior dito!"

"Ay opo. May kasama po ako."

E di pila ganyan. Pang-apat kami. Natapos na yung sineserve nung pumila kami. So pangatlo na kami agad.

Di ko alam kung ano yung pinagbibibili ni lola na nasa cashier na nga. Busy ako sa paniningin ng mga magazines sa rack duon. Tas si Lola 2 na susunod na nasa harap ko napansin ko nakatitig sa condoms. Natawa talaga ko inside. Hihihi.

Lahat na ng magazines natignan ko, mga paninda dun sa gilid na iniiwan kasi kulang budget o ayaw na nila yun bigla, mga baterya, toothbrush, hersheys, polo candies, napansin ko na, kako bat ang tagal. Yun pala si Lola na nasa Cashier nagbayad ng gastos niya in coins!

200+ yun in coins! Ulitin natin 200+ yun in coins! Take note, as in have a pen and paper handy, tig-pipiso ate't kuya!

Binilang niya tas biglang nadistract siya inulit niya ulit! Ngumingiti lang yung Ateng Cashier at yung kuyang bagger. Pagtingin ko sa likod namin, ang haba na ng pila ng mga mature people na grayish na yung hair, kawawa kasi nakatayo sila, waiting.

Di na napigilan ni Cashier at Bagger na sila na lang yung magbilang. May game plan pa, naghati sila ng coins tas add na lang later ang bilang.

Mga mature people talaga. Pinahirapan pa ang sarili, mabigat ang coins diba? Asan ang mga anak, apo, pamangkin niya?

On to the next one. Pangalawa na kami, sunod na kami.

Di ko napansin pero ang binili lang ni Lola (yung tumitig sa condoms), napakaraming saluyot. Siguro mga sampung bugkos ng saluyot. E di ba iba-iba presyo nun na naka-balot sa pinakapuno ng saluyot? Na ang hirap iscan! Maraming hindi pa mascan kaya megatype si ateng cashier sa machine ng bar code numbers.

Hay.. Nagugutom na kasi ako kaya ako natagalan dun.

Kumain kami sa Gudsilog. Sabi ni mama, itake out daw namin si Papa ng siomai sa Siomai House. Sweet no? Haha, pero nung nakabili na kami ng siomai hinahagis hagis niya rin parang sway sway habang walking.